चौथो संस्करणको नगरस्तरीय राष्ट्रपति रनिङ शिल्डको उपाधि विरुद्धमा परेको उजुरी उपर शुक्लागण्डकी नगरपालिकाले निर्णय गरेको छ । जहाँ नियम मिचेर गरेको निर्णयलाई पनि नगरपालिकाले ग¥र्यो सहि ठहर गरेको देखिन्छ । तर नगरपालिकाले कारण भने स्पष्ट रुपमा उल्लेख गरेको देखिदैन् ।
दुलेगौंडा । माघ २० गतेदेखि २२ गतेसम्म तालवेसी माध्यमिक विद्यालयमा राष्ट्रपति रनिङ शिल्ड प्रतियोगिता सञ्चालन भएको थियो । तालबेसीले ८ स्वर्ण, ७ रजत र ४ कास्य पदक सहित रनिङ शिल्डको उपाधि हात पा¥र्यो । तर, खैरेनी माध्यमिक विद्यालयले पञ्चमुनी र तालबेसी माध्यमिक विद्यालयको मिलिमतोमा खैरेनीलाई उपाधि चुम्नबाट हराईएको दाबि गर्दै आईरह्यो । जसको विरुद्धमा खैरेनीले माघ २६ गते नगरपालिकामा उजुरी दियो । ‘राष्ट्रिपति रनिङ शिल्ड सञ्चालन निर्देशिका २०७६ को अनुसुचि १६ को उपदफा २ बमोजिम खेल सक्किएको आधा घण्टाभित्र उजुरी दिनुपर्नेमा आयोजक विद्यालय तालवेशीका उजुरी कर्ता मञ्जु सुवेदीले २१ गतेको खेलको उजुरी २२ गते दिएको’ बताईएको छ । आयोजक विद्यालयले आफैले नियमभन्दा पछि उजुरी गर्ने र उक्त उजुरीमा आफैले न्याय गरेको विषयलाई उठान गर्दै खैरेनीले उजुरी दिएको थियो ।
उजुरी परेको १४ दिनपछि नगरपालिकाले निर्णय गरेको छ । नियम मिचेर गरेको निर्णयलाई पनि नगरपालिकाले सहि ठहर गरेको छ । तर कसरी सहि भयो भनेर नगरपालिकाले कारण भने स्पष्ट रुपमा उल्लेख गरेको छैन् । साथै पञ्चमुनीदेव माध्यमिक विद्यालयले नियम परिधि बाहीरको खेलाडी खेलाईएको भन्दै विद्यालयलाई दोषि ठहर गरेको छ । साथै आगामी दिनमा यस्तो गल्ती नगर्न सचेत गराईएको नगरपालिकाका शिक्ष विकास तथा खेलकुद शाखाका प्रमुख नवराज चापागाईले बताए ।
प्रतियोगितामा खैरेनी माध्यमिक विद्यालयले ८ स्वर्ण, ६ रजत र ५ कास्य पदक सहित द्धितीय भएको थियो भने पञ्चमुनीदेवले ५ स्वर्ण, ५ रजत र ३ कास्य पदक सहित तृतीय स्थानमा परेको छ ।
