दुलेगौंडा । शुक्लागण्डकी नगरपालिका स्तरीय चौथो राष्ट्रपती रनिङ शिल्ड प्रतियोगिता भोलि ( माघ२० गते ) देखि तालवेसी माध्यमिक विद्यालय प्राङगणमा सुरु हुदै छ ।
स्थानीय राष्ट्रपति रनिङ शिल्ड प्रतियोगिता व्यवस्थापन तथा निर्देशन समितिको बैठकले यही माघ २०,२१ र २२ गते गरि तीन दिनसम्म रनिङ शिल्ड प्रतियोगिता सञ्चालन गर्ने निर्णय गरेको थियो । सोही अनुसार तालवेसी माध्यमिक विद्यालयमा प्रतियोगिता हुदै छ ।
विद्यालयका प्रधानाध्यापक ध्रुव वाग्लेले प्रतियोगिता लागि आवश्यक तयारी पूरा भएको बताएका छन् । उनका अनुसार १६ सामुदायिक र १२ सस्थागत गरि २८ विद्यालय प्रतियोगिता सहभागी हुनेछन् । प्रतियोगितामा भलिबल, कबड्डी र एथलेटिक्स तर्फ हाईजम्प, लङ्गजम्प, त्रिपलजम्प, ज्याभलिन थ्रो, सटफुट र दौड प्रतियोगिता हुने भएको छ ।
