दुलेगौँडा। तनहुँको घिरिङ गाउँपालिका–३, सुन्धारास्थित चन्द्रज्योति माध्यमिक विद्यालयका प्रधानाध्यापक प्रेमबहादुर थापालाई जिम्मेवारीबाट निलम्बन गरिएको छ ।
मंगलबार अभिभावक, विद्यार्थी र जनप्रतिनिधिहरुको भेलामा अभिभावक र विद्यार्थीहरुले थापालाई पेसाबाटै निलम्बित वा सरुवा गर्नुपर्ने माग गरेका थिए । सोही अनुसार प्रअ थापालाई कारबाही गरेको घिरिङ गाउँपालिकाका अध्यक्ष होमबहादुर थापा मगरले जानकारी दिए । उनले भने ‘उहाँलाई प्रअको जिम्मेवारीबाट निलम्बित ग¥यौ । यथाशिघ्र उहाँको सरुवा गर्ने निर्णय भएको छ ।’
एसईईको तयारीमा रहेका विद्यार्थीहरुलाई शनिबार कक्षागत मुल्यांकनमा आफुले भनेजति अंक नल्याएको भन्दै प्रधानाध्यापक थापाले ३५ जना विद्यार्थीहरुलाई काठको लठ्ठीले निल डाम हुने गरी कुटेका थिए ।
