दुलेगौंडा । शुक्लागण्डकी जेसीजले जेष्ठ नागरिकलाई खाद्यान्न सहयोग गरेको छ । जेसीज सप्ताहन्त कार्यक्रमको अवसरमा जेसीसले शुक्लागण्डकी–५ झरौटामा रहेको जेष्ठ सेवा केन्द्रमा चामल, दाल, नुन, तेल मसलाहरु सहयोग गरेको हो ।
कार्यक्रममा बोल्दै जेसीजका अध्यक्ष शिवबहादुर विकले जेष्ठ नागरिकलाई हेला नभाई माया र आवश्यक सहयोग गर्नुपर्ने बताए । साथै जेष्ठ नागरिकको अनुभवलाई ग्रहण गरि समाज परिर्वतनका लागि अग्रसर हुनुपर्ने बताए ।
जेसीजका अध्यक्ष विकको सभापतित्वमा सम्पन्न कार्यक्रममा शुक्लागण्डकी–५ का वडाध्यक्ष दीर्घबहादुर थापा, जेष्ठ नागरिक सेवा केन्द्रकी व्यवस्थापक कोपिला क्षेत्री, जेसी चित्रकान्त गौतम, प्रकाश विक, विनोद रावत, सञ्जिव श्रेष्ठ, अनिस ढकाल लगायतको उपस्थिती रहेको थियो ।
