दुलेगौंडा । सामाजिक कार्यमा सक्रिय रहदै आएको शुक्लागण्डकी जेसीसको सप्ताहन्त कार्यक्रम भोलि (कार्तिक २५ गते) देखि सुरु हुने भएको छ । जेसीजको बार्षिक कार्यक्रम अनुसार सप्ताहन्त कार्यक्रम गर्न लागेको जेसी शिबबहादुर विकले जानकारी दिए । उनका अनुसार सातै दिन विभन्न कार्यक्रम गरि मनाईने गरिएता पनि समय व्यवस्थापन गर्न समस्या रहेको हुदाँ यस पटक दुई दिनमा ७ वटा कार्यक्रम गर्न लागिएको अध्यक्ष विकले बताए ।
जेसीसले भोलि शुक्लागण्डकी–२ को शिला प्रा.वि मा बाल विकास उत्थान कार्यक, शुक्लागण्डकी–५ झरौटामा जेष्ठ नागरिकलाई खाद्यान्न सहयोग र ईलाका प्रहरी कार्यालय बेलचौतारालाई ट्राफिक जनचेतना सम्बन्धी बोर्ड हस्तान्तरण गर्ने भएको छ । त्यस्तै कार्तिक २६ गते दुलेगौंडामा निशुल्क ब्लड सुगर परिक्षण, पर्यटकीय स्थल तिनखोले मन्दिर परिसरमा वृक्षारोपण र डस्टबिन वितरण साथै बेलुका सम्मान र पुरस्कार वितरण कार्यक्रम हुने अध्यक्ष विकले बताए ।
