तनहुँ । नवाैं राष्ट्रिय खेलकुद अन्तर्गत तनहुँ जिल्लामा भएको महिला बास्केटबल प्रतियोगिताकाे फाइनल खेल वाग्मती प्रदेश र त्रिभुवन आर्मीबिच हुने भएको छ । मंगलबार भएको सेमिफाइनल खेलमा वाग्मती प्रदेशले सुदुरपश्चिम प्रदेशलाई र आर्मीले गण्डकी प्रदेशलाई पराजित गर्दै दुवै टिमले फाइनलकाे यात्रा तय गरेको हाे ।
प्रतियोगिता अवधिमा वाग्मती र आर्मी दुवै अपराजित हुँदै फाइनसम्म पुगेका छन् । त्रिभुवन आर्मीले लिग चरणमा मधेश प्रदेश र सुदुरपश्चिम प्रदेशलाइ पराजित गर्दै सेमिफाइनलमा पुगेको थियाे । यसै गरि वाग्मती प्रदेश गण्डकी प्रदेश र प्रदेश-१ लाई पराजित गर्दै सेमिफाइनलकाे यात्रा तय गरेको थियाे ।
प्रतियोगिताकाे फाइनल खेल भाेलि (बुधबार) बेलुकी ३ बजे हुने भएको छ ।
