तनहुँ । नवाैं राष्ट्रिय खेलकुद अन्तर्गत तनहुँ जिल्लामा भएको थ्री बाइ थ्री महिला बास्केटबल प्रतियोगितामा वाग्मती प्रदेशलाई हराउदैं एपीएफ फाइनलमा प्रवेश गरेको छ । मंगलबार विहान भएको दाेस्राे सेमिफाइनल खेलमा वाग्मतीलाई २१-६ काे फराकिलो अन्तरमा पराजित गर्दै एपीएफले फाइनलकाे यात्रा तय गरेको हाे ।
एपीएफ लिग चरणमा दुवै खेल जितेर सेमिफाइनलकाे यात्रा तय गरेको थियाे भने वाग्मती प्रदेश एक जित र एक हार संगै लिग चरणबाट सेमिफाइनलमा पुगेको थियाे ।
याे संगै नवाैं राष्ट्रिय खेलकुद प्रतियोगिताकाे फाइनलमा एपीएफ र आर्मी आमनेसामने हुने भएका छन् ।
