तनहुँ । नवाैं राष्ट्रिय खेलकुद अन्तर्गत तनहुँ जिल्लामा भएको महिला बास्केटबल प्रतियोगितामा गण्डकी प्रदेशलाई पराजित गर्दै त्रिभुवन आर्मीले फाइनलकाे यात्रा तय गरेको छ । मंगलबार बिहान भएको फाइनल खेलमा ६७-३५ अन्तर सहित आर्मी फाइनलमा प्रवेश गरेको हाे ।
प्रतियोगिताकाे पहिलाे र दाेस्र चरणमा गण्डकीले कमजोर खेल प्रदर्शन गर्दा आर्मी फराकिलो अन्तर कायम गरेको थियाे । जहाँ आर्मीले २०-६ र १९-५ काे अन्तर बनाएको थियाे । तेस्रो चरणमा भने आर्मी विरूद्ध गण्डकीले उत्कृष्ट खेल प्रदर्शन गर्दै १५-११ काे अन्तर बनायाे । अन्तिम चरणमा भने पुनः आर्मीले १७-९ काे अन्तर बनायाे ।
प्रतियोगितामा त्रिभुवन आर्मीले मधेसी प्रदेश र सुदुरपश्चिम प्रदेशलाई पराजित गर्दै सेमिफाइनलमा पुगेको थियाे भने गण्डकी प्रदेश वाग्मती प्रदेशसंग हार र प्रदेश-१ संग जित निकाल्दै सेमिफाइनलकाे यात्रा तय गरेको थियाे ।
