दुलेगौंडा । शुक्ला फुटसल कपको उपाधि शुक्ला एफसी (आयाेजक) ले हात पारेको छ । आईतबार भएको फाईनल खेलमा भित्रीबजार क्लब दुलैगौडालाई ५-० गोल गर्दै शुक्ला एफसीले उपाधी हात पारेको हो ।
प्रतियोगितामा प्रथम भएसंगै शुक्ला फुटसल क्लबले नगद ३५ हजार ५५५ रुपैयाँका साथमा ट्रफी, मेडल र प्रमाण पत्र प्राप्त गरेको छ भने उपविजेता भित्रीबजार क्लबले नगद १५ हजार ५५५ रुपैयाँका साथमा मेडल र प्रमाण पत्र प्रप्त गरेको छ ।
शुक्ला एफसीका आषिक गुरूङ उत्कृष्ट गोलरक्षक र किसान गुरूङ बेष्ट प्लेयर घोषित भए । प्रतियोगितामा विजेता समुहलाई शुक्लागण्डकी वडा नं ३ का वडाध्यक्ष एवम नगर प्रवक्ता सचिन भुजेलले ट्रफी हस्तान्तरण गरेका थिए ।
स्थानीय स्तरमा रहेको खेलाडीकाे संरक्षण गर्दै राष्ट्रिय स्तरको खेलाडी उत्पादन गर्ने लक्ष्यका साथ प्रतियोगिता आयाेजनम गरेको खेल संयाेजक भीष्म श्रेष्ठले बताए ।
