दुलेगौंडा । शुक्लागण्डकी नगरपालिकाको नगर प्रहरी बलले सडक छेउ सफा गरेको छ । सडक छेउछाउमा रहेको झाडीका कारण विपरीत दिशाबाट आउने सवारी नदेखिदा दुर्घटना हुने सक्ने सम्भावना रहेकाले सडक छेउ सफा गरेको नगर प्रहरी प्रमुख रामशरण कार्कीले बताए ।
बुधबार नगर प्रहरीको टोलिले शुक्लागण्डकी–४ दुलेगौंडा स्थित हेल्थपोष्ट घुम्ति र शुक्लागण्डकी नगरपालिका–८ भोटेक्याम्प चोक र शहिद कृष्ण पार्कमा सरसफाई गरेको हो । ‘हामीले विगतमा पनि विभिन्न ठाउँको सडक छेउ सफा गर्दै आईरहेका थियौ । अहिले हेल्थपोष्ट घुम्ति, भोटेक्याम्प चोकमा दुईतर्फ झाडीका कारण सवारी ओहोर–दोहोर गर्ने क्रममा दुर्घटना हुन सक्ने सम्भावना देखियो । त्यसैले दुर्घटना हुन सक्ने जोखिम न्यूनिकरण गर्न सडक छेउ सफा गरियो’ कार्कीले भने ।
