बचाउनु छ आमा, तिमीले बनाएको घर
चाहे भिरालो होस या साँगुरो डहर
देश बदल्न भन्दै हिडनेहरू आज आफै बदली रहेछन्
खै किन किन धन दौलतको पछि लागिरहेछन्
अब पक्कै तिम्रो घर सहर हुनेछ, शहर घर हुनेछ ।
कसरी बदलौं अब तिमीले फुलाएका फुलहरूलाई
आडम्बर छाएको छ, सबै तिम्रा सन्ततीहरूमा
त्यसैले बचाउनु छ आमा तिमीले बनाएको घर
घर भत्किएको छ जस्तै लाग्छ विचार विचार लाग्दैन
फेरि केही आशा पलाउछ अनि हराउँछ
म मेरी आमालाई सम्झिरहन्छु
जब सिङ्गो राष्ट्र खडिण्त भएको आभास हुन्छ ।
अब विचार बदलेर राष्ट्र बदल्ने बेला आएको छ
मन बदलेर समय बदल्ने वेला आएको छ
तिम्रो रोदनमा देश रोइरहेछ
यति फराकिलो तिम्रो आँगन कसैले खोस्न लागिरहेछ
त्यसैले बचाउनु छ आमा तिमीले बनाएको घर
चाहे भिरालो होस या साँगुरो डहर
नारीले देश चलाउछन अहिले तिम्रै भलाइमा नारा लगाइ रहेका हुन्छन् ।
तिमी खुशी हुनुपर्छ अब तिम्रो सपना विपना बनिरहेछन्
तिमीले बसाएको घरमा तिम्रा सन्ततिहरू रमाइ रहेछन्
लाग्छ अब तिमीले बसाएको घर ठुलो शहर हुनेछ
त्यसैले बचाउनु छ आमा तिमीले बनाएको घर
चाहे भिरालो होस या साँगुरो डहर ।
