दुलेगौंडा । गण्डकी प्रदेश स्तरीय अन्डर १६ एनपिएस कप फुटबल प्रतियोगिताको उपाधि तालवेसी माध्यमिक विद्यालयले हात पारेको छ । ज्ञान बगैचा इङ्लिस बोर्डिङ्ग स्कुललाई १–० गोल अन्तरले पराजित गर्दै तालवेसीले उपाधि हात पारेको हो । तालवेसीको जितका लागि पहिलो हाफमा कृष्णबहादुर थापाले गरेको गोल नै निर्णयक गोल बन्न पुग्यो ।
जितसंगै तालवेसीले नगद ५० हजार साथमा शिल्ड मेडल र प्रमाणपत्र प्राप्त गरेको छ भने उपविजेता बनेको ज्ञान बगैचाले नगद २५ हजार साथमा शिल्ड मेडल र प्रमाणपत्र प्राप्त गरेको छ । प्रतियोगितामा प्रतियोगितामा तालवेसी माविका कृष्ण थापा सर्वाेत्कृष्ट खेलाडी घोषित भएका छन् । उनले नगद ४ हजार साथमा शिल्ड र प्रमाणपत्र प्राप्त गरेका छन् । यसैगरी नेपाल पुलिस स्कुलका रामबहादुर क्षेत्री सर्वाधिक गोलकर्ता, तालबेसीका कृष्ण थापा उत्कृष्ट खेलाडी र तालवेसीकै रोशन गुरुङ्ग उत्कृष्ट गोल किपर बनेका छन् । उनीहरुले समान २/२ हजार साथमा शिल्ड र प्रमाणपत्र प्राप्त गरेका छन् ।
नेपाल पुलिस स्कुलका प्राचार्य रामचन्द्र शाहीको सभापतित्वमा सम्पन्न कार्यक्रममा गण्डकी प्रदेशका वरिष्ठ प्रहरी उपरिक्षक तुलबहादुर कार्की, गण्डकी प्रदेश विशेष सुरक्षा गण बेलचौताराका प्रमुख, इलाका प्रहरी कार्यालय बेलचौताराका प्रमुख धननारायण श्रेष्ठ, विद्यालयका समावेशक दिनेश गौतम लगायतले पुरस्कार वितरण गरेका थिए । प्रतियोगितामा तनहुँ र कास्कीका १६ विद्यालय सहभागि रहेका थिए ।
