दुलेगौंडा । तनहुँको शुक्लागण्डकी नगरपालिका–२ हलेदीबाट कौडा खेलिरहेका १३ जुवाडेलाई प्रहरीले पक्राउ गरेको छ । मान बहादुर घलेको घरमा कौडा खेलिरहेको अवस्थामा प्रहरीले पक्राउ गरेको हो ।
पक्राउ पर्नेमा ६९ बर्षिय याम बहादुर शाही (याम बहादुर आले), ६३ बर्षिय भिम बहादुर थापा, ३५ बर्षिय प्रकाश जुवार्चन, ३८ बर्षिय, रेमण राना, ३५ बर्षिय दिल कृष्ण आले, ३० बर्षिय विकाश श्रेष्ठ, ५४ बर्षिय किसान आले, ३४ बर्षिय शुदिप परियार, ३१ बर्षिय विनोद थापा, ४२ बर्षिय मोहन मगर, ३९ बर्षिय टिकाराम रिमाल, ४१ बर्षिय दिलिप गुरुङ र ५० बर्षिय मान बहादुर घलेलाई पक्राउ गरिएको जिल्ला प्रहरी कार्यालय तनहुँले जनाएको छ ।
उनीहरुको साथबाट १६ थान कौडा नगद ६ लाख ४३ हजार १ सय ९० रुपैयाँ बरामद गरिएको प्रहरीले जनाएको छ । उनीहरुलाई जिल्ला प्रशासन कार्यालय तनहुँबाट म्याद थप अनुमति लिई थप अनुसन्धान कार्य भई भइरहेको प्रहरीले जनाएको छ ।
