दुलेगौंडा । शुक्लागण्डकी जेसीजले आयोजना गर्न लागेको दोसो जेसीज फुटसल कप प्रतियोगिताको खेल तालिका सार्वजनिक भएको छ । शुक्रबार क्लबले लाईभ रुपमा दुई समुह र प्रतिस्पर्धा गर्ने टिमको टुङ्गो लगाएको हो ।
प्रतियोगितामा २१ टिम सहभागी रहेका छन् । समुह ‘ए’ मा जेसीज शुक्लागण्डकी, चलपल एफ.सी, ब्रदरहुड एफ.सी, डेल्ली ड्रिप (बि), एडिएस्एल्, याप्पल बजार, नेपाल यूनाईटेड, डेल्ली ड्रिप (ए), आदर्श नमुना मनहरी, सुम्मी एफ.सी र बाराही टोल रहेका छन् । यसैगरी समुह ‘बि’ मा वाई.एस.वाई.सी, तालबेसी मावि, पुष्पाञ्जली, शिखर ईन्सोरेन्स, लिभिक, नमुना एफ सी, वि.वाइ.सी बेलचौतारा, जीजी फुटसल, इयरली बर्ड र दोभान एफ.सी रहेका छन् ।
प्रतियोगितामा प्रथम हुनेले २४ हजार २४, द्धितीय हुनेले १४ हजार २४ साथमा शिल्ड मेडल र प्रमाण पत्र प्राप्त गर्ने छ । प्रतियोगितामा बेष्ट प्लेयरले नगद २ हजार २४, फेयर प्लेयर, हाई स्कोरर र बेष्ट किप्परले नगद १ हजार २४ साथमा ट्रफी, मेडल र प्रमाण पत्र प्राप्त गर्ने छ ।
खेलकुदको माध्यमबाट बन्धुत्वको भावना विकास गर्नका लागि प्रतियोगिता आयोजना गर्न लागिएको जेसीजका अध्यक्ष रमेश भण्डारीले बताए । प्रतियोगिता जेठ २६ गते शुकलागण्डकी नगरपालिका–५ स्थित ए.डि.एस.एल फुटसल ग्राउण्डमा हुनेछ । खेल नकआउट प्रणलीबाट खेलाईने छ ।
