दुलेगौंडा । शुक्लागण्डकी नगरपालिका-२ सुन्दरीगाउँमा भएको ३५ बर्ष माथिको पुरूष भेट्रान्स भलिबल प्रतियोगिताकाे उपाधि भिमाद-८ भागरले हात पारेको छ ।
बुधबार भएको फाइनल खेलमा भागरले आयाेजक सुन्दरी गाउँलाई २-१ सेटको अन्तरले पराजित गरेको हाे । पहिलो सेट भागरले २५-२२ काे अन्तरले पराजित गरेको थियाे । दाेस्राे सेटमा आयाेजकले उत्कृष्ट खेल प्रदान गरि २५-२१ काे अन्तर जित हात पार्याे । फाइनल सेटमा भने भागरले २५-१३ काे अन्तरमा जित हासिल गर्दै उपाधिकाे रक्षा गरेको हाे ।
प्रथम भएसंगै भागरले नगद २० हजार साथमा शिल्ड मेडल र प्रमाण पत्र प्राप्त गरेको छ भने उपविजेता आयाेजकले नगद १५ हजार साथमा शिल्ड मेडल र प्रमाण पत्र प्राप्त गरेको छ ।
आँखेताल संरक्षण तथा सिद्धिकाली मन्दिर व्यवस्थापन समितिकाे प्रथम वार्षिकोत्सबकाे अवसरमा भेट्रान्स भलिबल प्रतियोगिता आयाेजना भएको थियाे । विजेता र उपविजेतालाई शुक्लागण्डकी-२ का वडाध्यक्ष सुमन बहादुर राना मगर, शुक्लागण्डकी-११ का वडाध्यक्ष शालिकराम भट्टराई, वडा सदस्य भगवान् पुनले पुरस्कार वितरण गरेका थिए ।
