बेलचौतारा । तनहुँको शुक्लागण्डकी नगरपालिका–५ बेलचौतारामा भलिबल प्रतियोगिता हुने भएको छ । अकला युवा क्लबले गणतन्त्र दिवसको अवसरमा पारेर साविक गाउँ तथा वा स्तरीय पुरुष भलिबल प्रतिायोगिता आयोजना गर्न लागेको हो ।
स्थानीय स्तरमा रहेका खेलाडीको संरक्षण गर्दै जिल्ला, प्रदेश हुदै राष्ट्रिय स्तरका खेलाडी उत्पादन गर्ने हेतुले प्रतियोगिताको आयोजना गर्न लागिएको क्लबका सदस्य निशान भट्टराईले जानकारी दिए ।
प्रतियोगितामा प्रथम हुनेले नगद ४० हजार, द्धितीय हुनेले नगद २५ हजार, तृतीय हुनेले १० हजार र सान्त्वना हुनेले नगद ५ हजार साथमा ट्रफी, मेडल र प्रमाण पत्र प्राप्त गर्ने छ । साथै प्रतियोगितामा बेष्ट प्लेयर, बेष्ट सेटर, बेष्ट स्पाइकर र बेष्ट डिफेन्डर ट्रफी र प्रमाण पत्र प्राप्त गर्ने छ ।
प्रतियोगिता जेठ ११ गतेदेखी १५ गतेसम्म सञ्चालन हुने छ ।
