दुलेगौडा । तनहुँको शुक्लागण्डकी नगरपालिका–२ गाछेपानी स्थित मुक्तिनाथ शुक्लागण्डकी च्यवन धाममा भएको भजन प्रतियोगितामा माछापुच्छ्रे भजन समुह प्रथम भएको छ । प्रथम भएसंगै समुहले नगद ५१ हजार साथमा प्रमाण पत्र प्राप्त गरेको छ ।
यसैगरी प्रतियोगितामा दाजुभाई भजन समुह द्धितीय, पञ्चासे भजन समुह तृतीय र भुलभुले बाराही भजन समुह सान्त्वना भएको छ । प्रतियोगितामा द्धितीय, तृतीय र सान्त्वना हुनेले क्रमशः ३६ हजार, २१ हजार र ५ हजार एक सय साथमा प्रमाण पत्र प्राप्त गरेको छ ।
भजनको संरक्षण र प्रर्वद्धन गर्ने हेतुले हरेक बर्ष शिवरात्री पर्वको दिन भजन प्रतियोगिताको आयोजना गर्ने गरेको धाम व्यवस्थापन समितिकी अध्यक्ष अर्जुन लम्सालले बताए ।
