दुलेगौंडा । तनहुँको शुक्लागण्डकी नगरपालिका–८ मा रहेको शहिदकृष्ण क्याम्पसको सञ्चालक समिति अध्यक्षमा टंकप्रसाद पौडेल निर्विरोध निर्वाचित भएका छन् । क्याम्पसको दशौं वार्षिकोत्सव तथा दोस्रो अधिवेशनले पौडेलको अध्यक्षतामा १३ सदस्यीय कार्यसमिति चयन गरेको हो ।
समितिको सदस्यमा डिल्लीराम पौडेल, लक्ष्मी मरासेनी, कृष्णप्रसाद भट्टराई, यामप्रसाद भट्टराई, बुद्धिसागर लम्साल, मिलन महत, राजेन्द्र प्रसाद भट्टराई, ई.अनन्तराज पौडेल र चुडामणि पौडेल चयन भएका छन् ।
यसैगरी सामाजिक परीक्षण समितिको संयोजकमा कृष्णप्रसाद लम्साल, सदस्यमा सिता पौडेल र टेकनारायण भट्टराई चयन भएका छन् ।
त्रिभुवन विश्व विद्यालयबाट सम्बधन प्राप्त शहिदकृष्ण क्याम्पस २०७० सालमा स्थापना भएको थियो । यस क्याम्पसमा व्यवस्थापन सङ्कायमा अङ्ग्रेजी र नेपाली माध्यममा पढाई भईरहेको छ ।