दुलेगौंडा । शुक्लागण्डकी नगरपालिका वडा नं. ८ को कार्यालयले टोल विकास संस्थाका प्रतिनिधिहरुलाई दिएको उद्घोषण तथा नेतृत्व विकास तालिम सोमबार सम्पन्न भएको छ ।
कार्यक्रममा बोल्दै नयर प्रमुख कृष्णराज पण्डितले सिकेका विषय अरुलाई पनि बाड्दै गएमा मात्र ज्ञान वृद्धि हुने भएकाले टोलमा गएर सिकाउन प्रशिक्षर्थीलाई अनुरोध गरे । साथै उनले महिलाहरुलाई अब आयआर्जनतर्फ लाग्नुपर्नेमा जोड दिनै सिपमुलक तिलम दिन नगर तयार रहेको बताए ।
वडा नंं ८ का अध्यक्ष नारायणसिं थापाले निरन्तरको अभ्यासले मात्र सिकेका विषय दिगो हुने बताए । उनले आगामी आर्थिक वर्षमा सिपमुलक तालिम ल्याउने विषयमा वडामा छलफल गर्ने प्रतिवद्धता जनाए । प्रशिक्षककोतर्फबाट राजन उपाध्यायले तालिमले नयाँजोश र उत्साह थपेको बताए ।
सहभागीकोतर्फबाट कविता खड्का, शुशिला घिमिरे, मिलन सुवेदी र मेलिना श्रेष्ठले तालिम पश्चात अगाडी आएर बोल्ने क्षमता भएको बताउदै आगामी दिनमा सिपमुलक तालिम सञ्चालन गर्न आग्रह गरे । कार्यक्रमको सञ्चालन प्रशिक्षार्थी टेक बहादुर जुग्जालीले गरेका थिए भने स्वागत वडा सदस्य अशोक महतले गरेका थिए ।
तालिममा शुस्मा पौडेल, राजन उपाध्याय, अस्मिता खनाल, विनोद ढुंगाना र हरि खरेलले सहजिकरण गरेका थिए । तालिममा वडामा रहेका ३४ टोलका कुल ३५ जनाको सहभागिता रहेको थियो ।
