काठमाण्डौ । शुक्रबार सुनको भाउ तोलामा हजार रुपैयाँले वृद्धि भएको छ ।
मंसिर अन्तिम हप्ता केही घटेको सुनको भाउ फेरि बढ्न थालेको हो । आज तोलामा सुनको भाउ एक हजार रुपैयाँले बढेर ९४ हजार रुपैयाँमा पुगेको छ ।हिजो पनि तोलामा सात सय रुपैयाँले सुनको भाउ बढेको थियो ।
यस्तै, चाँदीको भाउ पनि आज बढेको छ । हिजो तोलामा १२ सय ३५ रुपैयाँमा कारोबार भएको चाँदी आज १२ सय ५० रुपैयाँमा पुगेको नेपाल सुन चाँदी व्यवसायी महासङ्घले जनाएको छ ।
