के हो पाठशााला सियूजी ? (भिडियो सहित)
नेपाल सरकार, शिक्षा विज्ञान तथा प्रविधि मन्त्रालयको “विद्यालय शिक्षा सम्बन्धी आकस्मिक कार्ययोजना–२०७७” बमोजिम विद्यालय जाने बालबालिकाहरुलाई लक्षित गर्दै पाठशााला सियूजीज सिम ल्याएको छ । यस बिषयमा शिक्षक विद्यार्थी, अभिभावक र सम्बन्धीत निकायका व्यक्तिहरु समेत अनविज्ञ रहेका छन् । साथै कति त यस सिमको बिषयमा जानकार पनि छैनन् । यस बिषयमा शुक्ला न्युजले नेपाल टेलिकम दुलेगौंडा शाखाका प्रमुखसंग लिएइको अन्र्तवार्ता तल प्रस्तुत गरिएको छ ।
“पाठशााला सियूजी सिम” भनेको के हो ?
सियूजी भनेको क्लोज्ड यूजर ग्रुप हो । कुनै पनि शैक्षिक संस्थाका कर्मचारी वा विद्यार्थीहरु साथै अभिभावक एक आपसमा असिमित कुराकानि गर्न सकिने सुविधा सहितको प्याकेज नै सियुजि हो । योे प्रिपेड सिमकार्डबाट शिक्षक–विद्यार्थी र अभिभावकबिच असिमित कुराकानी गर्न, शिक्षा तथा मानव स्रोत विकास केन्द्रको वेब पोर्टल निशुल्क चलाउन र शैक्षिक प्रयोजनका लागि बल्क एसएमएस पठाउन सकिने छ ।
कसरी प्राप्त गर्न सक्छन् ?
यस सिम प्राप्त गर्नका लागि विद्यार्थीहरुले सम्बन्धीत विद्यालयबाट विद्यार्थी प्रमाणित गरेको कागज पत्र, विद्यार्थी वा अभिभावकको नगरिकताको फोटोकपि र एक प्रति फोटो आवेदन फारममा उल्लेख गर्नुपर्दछ । यसै गरि शिक्षकको हकमा विद्यालयबाट शिक्षक प्रमाणित गरिएको कागजात, अभिभावकको हकमा सम्बन्धीत विद्यालयद्धारा अभिभावक प्रमाणित गरेको कागजपत्र साथै नगरिकताको फोटोकपि र एक प्रति फोटो विद्यालयमा उपल्बध गराउनु पर्दछ । यि सम्पूर्ण विवरण तयार भएको आवेदन फारम पुरा भए पछि विद्यालयले स्थानीय तहको सिफारिसमा नेपाल टेलिकममा सिफारीस गरि एकमुस्ट सिम प्राप्त गर्न सकिने छ । साथै कुनै पनि शिक्षक अभिभावक वा विद्यार्थीसंग पहिले नै नेपाल टेलिकमको सिमकार्ड रहेको खण्डमा विद्यालयले उकत सिमकार्ड व्यक्तिको हो भनि प्रमाणित गरेको सिफारीस उपल्बध गराएमा चलाईरहेको सिमलाई नै सियूजी सिमको रुपमा प्रयोग गर्नु पर्दछ ।
यसमा के के छन् त सेवा सुविधाहरु हुन्छ ?
शैक्षिक क्षेत्रमा सियूजी सिम प्रयोग गर्ने समुहका सदस्यहरुले असिमित कुराकानि गर्ने सुविधा साथै एक महिनामा ८ जिबि डाटा प्रयोग गर्न सक्ने छन् । उक्त डाटा मध्य एक जिबि डाटा शैक्षिक कार्य बाहेकका जुनसुकै प्रयोजनका लागि प्रयोग गर्न सक्ने छन् । यसै गरि एक बल्क एसएम्एस मार्फत एकै पटकमा ३० जनालाई एसएम्एस पठाउँन सकिने व्यवस्था रहेको छ ।
शुक्लागण्डकी नगरपालिकामा २२ लाख
विद्यालयहरुमा वैकल्पिक रुपमा शिक्षा प्रदान गर्नका लागि २२ लाख ७१ हजार ७ सय ५० रुपैया बजेट विनियोजन भएको छ । उकत रकम नगर शिक्षा शाखा प्रमुख मार्फत नगरभित्र रहेको सामुदायिक विद्यालयहरुलाई विद्यार्थी संख्याको आधारमा प्रदान गरिने छ ।
