खैरेनीटार, शुक्लागण्डकी नगरपालिका ६ नं वडा कार्यालयले वडामा सेवाग्राहीले फोन गर्दा शुल्क नलाग्ने टोल फ्रि नम्बर प्रयोगमा ल्याएको छ ।
वडाबासीले सेवा प्रवाह सम्बन्धी फोन गर्दा वडाले दिएको टोल फ्री नम्बरमा कल गर्दा कुनै शुल्क नलाग्ने वडा अध्यक्ष बुद्धी बहादुर थापाले बताए । सेवाग्राहीहरुलाई सेवा लिन सहजीकरण हुनुको साथै वडाकाे विकास निर्माण तथा गुनासो एवं समस्या टिपाउनकाे लागि फोन गर्दा पैसा नलाग्ने नम्बर १६६०६५५२००३(16606552003) सञ्चालनमा ल्याएको वडा अध्यक्ष थापाले बताए ।
निर्वाचनका समयमा जनता माझ राखेको प्रतिबद्धता अनुरुप कार्य गर्ने बताउदै उनले टोल फ्री नम्बरलाई सबै वडाबासी माझ पुर्याई सुबिधा लिनका लागी सबैमा अनुरोध समेत गरेका छन् ।
