तनहुँ । नवाैं राष्ट्रिय खेलकुद अन्तर्गत महिला बास्केटबल प्रतियोगितामा मधेस प्रदेशले लगातार दाेस्राे हार बिहाेरेकाे छ । उद्घाटन खेलमा हार बिहाेरेकाे मधेसले सुदुरपश्चिम प्रदेशसंग पनि पराजित भएको छ । आइतबार भएको खेलमा मधेस प्रदेशलाई ४५-२१ काे अन्तरमा सुदुरपश्चिमले जित हासिल गरेको हाे ।
प्रतियोगिताकाे पहिलाे र दाेस्राे चरणमा सुदुरपश्चिमले क्रमश १२-३, ११-७ काे अन्तर बनाएको थियाे । तेस्रो चरणमा भने निकै प्रतिस्पर्धात्मक खेल प्रदशन गर्दै दुबै टिमले ६-६ अंक जाेडेकाे थियाे । अन्तिम चरणमा भने सुदुरपश्चिमले उत्कृष्ट खेल प्रदर्शन गरि १६-५ काे अन्तर बनायो ।
यसअघि सुदुरपश्चिम प्रदेश र मधेस प्रदेश आर्मीसंग पराजित भएको थियो ।
यसै गरि आइतबार बेलुका भएको थ्री वाइ थ्री महिला बास्केटबल प्रतियोगितामा लुम्बिनी प्रदेशले विजय सुरूवात गरेको छ । मधेस प्रदेशलाई १४-१ काे फराकिलो अन्तर सहित लुम्बिनीले जित हासिल गरेको छ ।
