दमौली । नवाै राष्ट्रिय खेलकुदमा अन्तर्गत तनहुँ जिल्लामा भएको महिला बास्केटबल प्रतियोगितामा आर्मीले विजयी शुरूवात गरेको छ । प्रतियोगिताकाे उद्घाटन खेलमा त्रिभुवन आर्मीले मधेस प्रदेशलाई ७१-१३ काे फराकिलो अन्तरमा पराजित गरेको हाे ।
५×५ काे प्रतियोगिताकाे पहिलो चरणमा आर्मीले २२-० काे फराकिलो अन्तर बनाएको थियाे । दाेस्राे, तेस्रो र चाैथाे चरणमा पनि अर्मीले निरन्तर अग्रता कायम गरि सहज रूपमा जित हासिल गरेको हाे । जहाँ आर्मीले क्रमश : २२-६, १४-४ र १३-३ काे अंक प्रप्त गरेको थियो । प्रतियोगिता अवधिभरमा मधेस प्रदेशबाट पुष्प बानले ७ अंक जाेडेकी छिन् भने आर्मीबाट राेशनी श्रेष्ठले २१ अंक जाेडेकी थिईन ।
भाेलि ३×३ प्रतियोगितामा बागमती प्रदेश र मधेस प्रदेश, आर्मी र लुम्बिनी प्रदेश, सुदुरपश्चिम र प्रदेश-१, एपिएफ (सशस्त्र) र गण्डकी प्रदेश विच हुनेछ । साथै ५×५ अन्तर्गत बागमती प्रदेश र प्रदेश-१, त्रिभुवन आर्मी र सुदुरपश्चिम बिच खेल हुने आयाेजकले जनाएको छ ।