दुलेगौंडा । खैरेनी माध्यमिक विद्यालयालयले शुक्लागण्डकी नगरपालिका स्तरीय पाँचौ राष्ट्रपति रनिङ शिल्ड प्रतियोगितामा उत्कृष्ट खेल प्रदर्शन गरेकी मनकुमारी लामालाई सम्मान स्वरुप ९ देखि १२ कक्षासम्म निशुल्क छात्रवृत्ति प्रदान गरेको छ ।
मनकुमारीले प्रतियोगितामा विद्यालयका लागि ३ स्वर्ण, १ रजत र २ कास्य पदक दिलाउन सफल भएकी थिईन् । जहाँ लङ्ग जम्प, हाइजम्प र २०० मिटर दौडमा स्वर्ण पदक, कबड्डीमा रजत पदक, १००*४ रिले र भलिबलमा कास्य पदक हासिल गरेकी थिईन् । उनको यही सफलताले विद्यालय रनिङ शिल्ड प्रतियोगितामा तृतीय बन्न सफल भएको थियो ।
ज्यावलिन थ्रो मा नम्रता रानाले स्वर्ण पदक हासिल गरेकी थिईन । उनलाई पनि सम्मान स्वरुप विद्यालयले एक बर्षका लागि निशुल्क छात्रवृत्ति प्रदान गरेको विद्यालयका शिक्षक बाेधराज ढकालले बताए । राना हाल कक्षा ११ मा अध्ययनरत अवस्थामा रहेकी छिन् ।
Good