दुलेगौंडा । तनहुँकाे शुक्लागण्डकी नगरपालिका-४ दुलेगौंडामा लैङ्गिक हिंसा विरूद्धकाे १६ दिने अभियान अन्तर्गत अन्तरक्रिया कार्यक्रम सम्पन्न भएको छ । बिहीबार अमेरिकन हिमालयन फाउन्डेसन, पैरवी समूह र ग्रामीण स्वास्थ्य र शिक्षा सेवा गुठीले संयुक्त रूपमा पञ्चमुनी माध्यमिक विद्यालयमा उक्त कार्यक्रम गरेको हाे ।
कार्यक्रममा बाेल्दै ग्रामीण स्वास्थ्य र शिक्षा सेवा गुठी तनहुँकी अध्यक्ष पुनम राना मगरले प्रयाजसाे हिंसा घरमा हुने हुदाँ घरबाटै यसको समाधान खाेज्न आवश्यक रहेको बताइन् । साथै लैङ्गिक हिंसा हरेक न्यूनीकरण गर्नका लागि स्थानीय सरकारले पनि विशेष ध्यान दिन जरुरी रहेको बताईन् ।
गुठीकी अध्यक्ष काे सभापतित्वमा सम्पन्न कार्यक्रममा शुक्लागण्डकी-७ का वडाध्यक्ष खड्क सिं थापा, शुक्लागण्डकी-८ का वडाध्यक्ष नारायण सिं थापा, पञ्चमुनीदेव माविका प्रधानाध्यापक ध्रुवकुमार मल्ल, सरस्वती नमुना माविका प्र.अ नारायण पाैडेल, श्रमीक आधारभूत विद्यालयका शिक्षक राधा काफ्ले, रेष्ठका कार्यक्रम सहायक कृष्णकुमारी राना लगायत विभिन्न विद्यालयका बालक्लब प्रतिनिधिहरूकाे उपस्थिति रहेको थियाे ।
