तनहुँ। तनहुँको व्यास नगरपालिका–१२ घाँसी कुवा, चिसौदींमा रात्रि बस बुधवार बिहान दुर्घटना हुँदा दुई जनाको मृत्यु भएको छ । मृत्यु हनेमा धनकुटा जिल्लाको सागुरीगढी गाउँपालिका–९ का ४५ बर्र्षीय हस्त राई र ठेगाना नखुलेका ५५ बर्षीय टोप बहादुर मगर रहेको जिल्ला प्रहरी कार्यालय तनहुँले जनाएको छ ।
धरानबाट पोखरा जाँदै गरेको ७८९५ नम्बरको बस अनियन्त्रित भइ सडकबाट करिब १० मिटर तल खस्दा दुर्घटना भएको प्रहरीले जनाएको छ । दुर्घटनामा ३३ जना घाइते भएका छन् ।
घाइतेहरुमध्य दैमौली स्थित रत्न हरी अस्पतालमा १९ जना, दमौली अस्पतालमा ५ जना, मणिपाल शिक्षण अस्पतालमा ९ जना रिफर गरिएको छ । घाईते भएकी सप्तरी जिल्ला महादेब गाउँपालिका–६ बस्ने १५ बर्षीय प्रिती यादब डिस्र्चाज भएकी छिन् ।
