दुलेगौंडा । शुक्लागण्डकी व्याडमिन्टन संघकाे अध्यक्षमा बाेम बहादुर गमाल चयन भएका छन् । शनिबार सम्पन्न संघको प्रथम बार्षिक साधारण सभा तथा अधिवेशनले गमालकाे अध्यक्षमा १५ सदस्यीय कार्यसमिति चयन गरेको हाे ।
समितिकाे वरिष्ठ उपाध्यक्ष पदम बहादुर आले, उपाध्यक्षमा विष्णु बहादुर राना, सचिवमा मिनबहादुर लामिछाने (बरदान), सह-सचिवमा देवबहादुर गुरुङ, काेषाध्यक्षमा चन्द्रा मगर, सह-काेषाध्यक्षमा अमृत घिमिरे चयन भएका छन् ।
यसैगरी सदस्यहरूमा शक्ति राना, आश केसी, प्रताप राना, देवी थापा, सनिसरा थापा, पुष्पनारायण राई, अम्मर थापा र धन बहादुर दर्जी चयन भएका छन् । शुक्लागण्डकी नगरपालिकाका नगर प्रमुख कृष्णराज पण्डितले कार्यक्रमको उद्घाटन गर्दै स्थापनाको छोटो समयमै नगरस्तरीय प्रतियोगिता गरि शुक्लागण्डकीलाई चिनाउन सहयोग पुर्याएकोमा संघलाई धन्यवाद दिए ।
संघकाे स्थापना भएको ६ महिनाभित्रै शुक्लागण्डकी मेयर कप आयाेजना गरेर सम्पन्न गरिसकेको छ । नगर भित्र रहेका व्याडमिन्टन खेलाडीकाे संरक्षण र प्रवद्घन गर्ने हेतुले संस्थाकाे स्थापना गरिएको थियाे ।
