दिपेन्द्र पौडेल/यूएई । नेपालीहरुको महान पर्व बिजया दशमीको पावन अवसर पारेर यूथ सपोटिङ्ग फूटबल क्लबको आयोजनामा आयोजित फुटलबल प्रतियोगिताको उपाधी रोयल गोर्खा फुटबल क्लबले जितेको छ । उपाधी संगै क्लबले नगद यूएई डलर ४१९९, ट्रफी, मेडल र प्रमाण पत्र पनि प्राप्त गरेको छ ।
प्रतियोगितामा लालिगुराँस फूटबल क्लब उपविजेता बनेको छ । खेलमा अनुशासित समूहको उपाधी यूनाईटेड यूथ क्लबले हाता पारेको छ । प्रतियोगितामा१६ समूहको सहभागिता रहेको थियो ।
गर्मी सिजन विस्तारै कम हुर्दै जादा यूएईमा रहेका नेपाली फुटबल क्लबले प्राय जसो हरेक हप्ता नै एक न एक कार्यक्रमको आयोजना गर्दै आईरहेको देखिएको छ । रोजगारीको शिलसिलामा यूएईमा आएका नेपाली खेलाडीहरुको बाक्लो उपस्थिती जुन सुकै कार्यक्रममा पनि रहेको देख्न पाईन्छ ।
