दुलेगौंडा । तनहुँको शुक्लागण्डकी नगरपालिका–१ र २ को संगम स्थल सुन्दरीगाँउमा तेस्रो सिद्धिकाली कप, साविक वडा स्तरीय पुरुष भलिवल प्रतियोगिता हुने भएको छ । नेपालीहको महान पर्व वडादशैको अवसरमा आखेताल संरक्षण तथा सिद्दिकाली मन्दिर ब्यबस्थापन समितिले भलिबल प्रतियोगिता आयोजना गरेको हो ।
खेलकुलको विकास गर्नुका साथै आँखेताल र सिद्धिकाली मन्दिरको प्रर्वधन गर्नका लागि प्रतियोगिता आयोजना गरिएको आखेताल संरक्षण तथा सिद्दिकाली मन्दिर ब्यबस्थापन समिति सचिव सञ्जय ढकालले बताए ।
प्रतियोगितामा प्रथम हुनेले ४५ हजार, द्धितीय हुनेले ३० हजार, तृतीय हुनेले १५ हजार र सान्त्वना हुनेले ८ हजार साथमा शिल्ड मेडल र प्रमाण पत्र प्राप्त गर्ने छ । प्रतियोगिता कात्तिक १ गतेदेखि ४ गतेसम्म सुन्दरीगाँउमा हुने छ ।
