दुलेगौंडा । शुक्लागण्डकी नगरपालिका–७ मा रहेको सरस्वती नमुना विद्यालयमा विद्यालय बसको अभाव हुदाँ विद्यार्थीहरु घरदेखि हिडेर विद्यालयसम्म जान बाध्य थिए । सोमबार सूर्य नेपाल प्रालिले विद्यालयलाई वस हस्तान्तरण गरेसंगै विद्यार्थीको उक्त समस्या समाधान भएको छ ।
घरबाट सडकको बाटो हिडेर आउदाँ आफु लगायत अन्य साथिहरुलाई निकै जोखिम रहेको कक्षा ९ की विद्यार्थी एलिसा थापाले बताईन् । बस आएसंगै आफुहरुलाई सुरक्षित महसुस भएको थापाको भनाई छ । ‘हामी मोटर बाटो छेउबाट आउदा निकै जोखिम थियो । विहान बेलुकको अतिरिक्त कक्षामा सहभागि हुन आउँदा विहान चाडै हिड्नुपर्ने बेलुका राति घर पुग्नपथ्र्याे । अहिले बस आएसंगै सुरक्षाको महशुस भएको छ’ उनले भनिन् ।
साउनेपानीका अनुप थाप विद्यालय बसको नहुदाँ हिडेर विद्यालयसम्म आउने गर्दथे । विहान बेलुका हिडेर आउजाउ गर्ने समस्या रहेता पनि अहिले बस आएसंगै उक्त समस्या अन्त्य भएको बताए । साथै बस उपलब्ध गराउन सहयोग गरेको सूर्य नेपाल प्रालिलाई धन्यवाद समेत दिए ।
संस्थागत सामाजिक उत्तरदायीत्व कार्यक्रम अन्र्तगत रहेर विद्यालयलाई बस हस्तान्तरण गरेको प्रालिका मानव संसाधन विभाग प्रमुख अञ्जन दुवाढीले बताए । विद्यालय बसको अभावमा बर्षेनि विद्यार्थी संख्या घट्दो क्रममा रहेको हुदाँ विद्यार्थी संख्या वृद्धि गर्न र शैक्षिक गुणस्तर वृद्धिमा टेवा पु¥याउन बस हस्तान्तरण गरिएको उनको भनाई छ । उनका अनुसार शुक्लागण्डकी–७ कै पुरानो विद्यालय भएर पनि साधन र स्रोतको अभावका कारण विद्यालय पछि परेपछि संस्थाले टिच फर नेपालद्धारा शिक्षक, कम्प्युटर उपलब्ध गराउदै आएको बताए ।
‘डोर टु डोर’ शिक्षा दिन नसक्दा विद्यालयमा विद्यार्थीको संख्या कम हुदै गएको विद्यालयका प्रधानाध्यापक नारापण पौडेलले बताए । उनका अनुसार अब विद्यालय बसको सुविधा भएसंगै विद्यार्थी संख्या पनि वृद्धि हुने र शैक्षिक गुणस्तर पनि कायम गर्न सहज हुने पोख्रेलको भनाई छ ।
विद्यालय आफैले बस खरिद गर्नका निम्ती आर्थिक सहयोग जुटाईरहेको थियो । हालसम्म विद्यालयले बस खरिदका लागि भनेर करिब १९ लाख रुपैयाँ आर्थिक सहयोेग संकलन गरिसकेको छ । सूर्य नेपालले बस हस्तान्तरण गरेसंगै उक्त रकम विद्यालय बस संञ्चालन गर्नका निम्ति बैकमा मुद्दति खातामा जम्मा गरेर प्राप्त व्याजबाट बस सञ्चालन गर्नमा नै खर्च गर्ने विद्यालय प्रशासनले जनाएको छ ।
