दुलेगौंडा। नेपालीको महान पर्व हरितालिका तीजको अवसरमा शुक्लागण्डकी नगर उद्योग वाणिज्य संघ, वडा व्यवस्थापन समिति वडा नं. ४ ले दुलेगौंडामा खुल्ला तीज गीत प्रतियोगिता गर्ने भएको छ । हरितालिका तीजको अवसरमा आउदो असोज १ गते हुने प्रतियोगितामा प्रथम पुरस्कार २५ हजार, द्धितीय पुरस्कार १५ हजार, तृतीय पुरस्कार १० हजार र सान्त्वना पुरस्कार ३ हजार रुपैया साथमा प्रमाणपत्रको ब्यबस्था गरिने समितिका सचिव बालकृष्ण विकले जानकारी दिए । कार्यक्रममा सहभागी उत्कृष्ट नाँच र पोशाकलाई नगद ३ हजार समेत दिने सचिब विकले बताए ।
हरेक बर्ष दुलेगौंडामा आयोजना गरिने तीज गीत प्रतियोगिताको निरन्तरताको रुपमा प्रतियोगिता आयोजना गरिएको आयोजक संस्थाले बताए । प्रतियोगिताको अलावा कार्यक्रममा चर्चित कलाकारको समेत उपस्थिति रहने छ । प्रतियोगितामा सहभागी समुहले भदौ ३० गतेसम्म दर्ता गराईसक्नुपर्ने आयोजकले जनाएको छ ।
