दुलेगौंडा । तनहुँको शुक्लागण्डकी नगरपालिका–२ गाछेपानी स्थित मुक्तिनाथ शुक्लागण्की च्यवन धाममा जारि बोलबम धार्मिक महोत्सवमा हालसम्म २१ लाखभन्दा बढि दान रकम संकलन भएको छ । धार्मिक महोत्सवमा हालसम्म २१ लाख ७०९ रुपैयाँ रकम संकलन भएको महोत्सवका विदेश समन्व्य समितिका संयोजक सुरेन्द्र पौडेलल बताए । उनका अनुसार छैठौं दिनमा मात्रै १० लाख बढी दान संकलन भएको छ ।
च्यवन धाम मन्दिरको विकास र गौं संरक्षण केन्द्रको उचित व्यवस्थापन गर्ने लक्ष्यका साथ धार्मिक महोत्सवको आयोजना गरिएको च्यवन धाम विकास समितिका अध्यक्ष होमनाथ लम्सालले बताए । समितिका अध्यक्ष होमनाथ लम्सालका अनुसार महोत्सवबाट संकलित दान रकमको ५० प्रतिशत गौ संरक्षण केन्द्रका लागि खर्च गरिने छ ।
धाममा जारि धार्मिक महोत्सवमा शिवमहिमा बोलबल धार्मिक महोत्सवमा भागवत मञ्जरी राधिका दासीको मुखारवृन्दबाट संगितमय प्रवचन भईरहेको छ । महोत्सव १५ गतेसम्म सञ्चालन हुने छ ।
