दुलेगौंडा । नेपाली नारीहरूको महान पर्व हरितालिका तिजको अवसरमा तनहुँको शुक्लागण्डकी नगरपालिका–८ गणपतिमा ‘अठारौं तिज कप, सेभेन ए साइड फुटबल प्रतियोगीता’ हुदै छ । जनसेवा स्पोर्ट क्लबको आयोजनामा तिजकप हुन लागेको हो ।
स्थानीय स्तरमा रहेका खेलाडीको संरक्षण र प्रबद्धन गर्नका निम्ती तिजकप आयोजना गर्न लागिएको क्लबका अध्यक्ष सन्तोष गुरुङले बताए । उनका अनुसार हरेक बर्ष झै यस बर्ष पनि तिजको अवसरमा प्रतियोगिता आयोजना गर्न लागेको हो ।
प्रतियोगितामा प्रथम हुनेले नगद ७७ हजार ७७७ र द्धितीय हुनेले ४४ हजार ४४४ साथमा कप मेडल र प्रमाण पत्र प्राप्त गर्ने आयोजकले जनाएको छ । प्रतियोगितामा उत्कृष्ट खेलाडी, सर्वाधिक गोलकर्ता, उत्कृष्ट गोलरक्षक, उत्कृष्ट डिफेन्डर र उदयमान खेलाडीलाई पुरस्कृत गरिने क्लबका सदस्य धिरज केसीले बताए ।
तिजकपको अवसरमा भेन्ट्रान्सतर्फ ३३ बर्ष माथिको फुटबल प्रतियोगिता हुने आयोजकले जनाएको छ । भेन्ट्रन्सतर्फ प्रथम हुनेले खसी र द्धितीय हुनेले बोका साथमा कप मेडल र प्रमाण पत्र प्राप्त गर्नेछन् ।
