दुलेगौंडा । ईलाका प्रहरी कार्यालय बेलचौताराले सवारी चालक र सहचालकको स्वास्थ्य परिक्षण गराएको छ । प्रहरीले शुक्रबार शुक्लागण्डकी नगरपालिका–९ को वडा कार्यालयको सहकार्यमा ढोरबाराही मोटर मार्गमा सञ्चालन हुने सवारी चालक र सहचालकको प्रेशर जाँच गराएको हो ।
अस्वस्थ अवस्थामा सवारी चलाउदाँ दुर्घटना हुन सक्ने हुदाँ जनचेतना फैलाउनका लागि स्वास्थ्य परिक्षण गराएको अस्थायी ट्राफिक प्रहरी पोष्टका प्रहरी साहायक निरिक्षक राजु श्रेष्ठले बताए । प्रहरीले जनस्तरमा शान्ति र सुरक्षाका क्षेत्रमा काम गर्ने हुदाँ समुदाय–प्रहरी साझेदारी कार्यक्रम अन्र्तगत रहेर चालक र सह चालकको स्वास्थ्य परिक्षण गरेको बताए ।
