दुलेगौंडा । नेपाली कांग्रेसका केन्द्रीय सदस्य एवम् प्रतिनिधि सभा सदस्य शंकर भण्डारीले पार्टीमा कसैले पनि व्यक्तिगत स्वार्थ राख्न नहुने बताए ।
शनिबार दुलेगौंडामा भएको नेपाली कांग्रेस तनहुँ क्षेत्र नम्बर २ काे क्षेत्रीय सम्मेलनलाई सम्बाेधन गर्दै जिम्मेवार व्यक्तिले स्वार्थ राखेकाे खण्डमा पार्टी कमजोर हुने बताए । `आज कांग्रेस जिम्मेवार साथीहरू विभिन्न पदमा पुग्नु भएको छ । तपाईंहरूले व्यक्तिगत स्वार्थ राखे पार्टी कमजोर हुन्छ । त्यसैले पार्टीमा व्यक्तिगत स्वार्थ कसैले पनि नराखाैं´ उनले भने ।
कांग्रेसका क्रियाशील सदस्य सबै अनुशासनमा रहन आग्रह गरे । पार्टीका सदस्यले फेस्बुकमा पार्टीकाे मर्मलाई नै कमजोर पार्ने गरि स्टाटस नराख्न अनुराेध गरे । `पार्टीका साथीहरू कसैले पनि पार्टीको मर्मलाई नै कमजोर बनाउने गरेर फेस्बुकमा स्टाटस नराखैं । जे हुन्छ, पार्टीकाे सम्मेलन, बैठकमा नै राखाै । हामी सबै अनुशासनमा बस्न जरुरी छ, चाहे सभापति शेरबहादुर देउवा, म राहे बालकृष्ण खाँण नै किन नहुन्´ भण्डारीले भने ।
नेपाली कांग्रेसले तनहुँ क्षेत्र नम्बर १ काे उपनिर्वाचनमा रास्वपासंग पराजित भएकाे हुदाँ २०८४ काे निर्वाचनका लागि तयार रहन आग्रह गरे । `हामीले उपनिर्वाचनमा रास्वपा संग पराजित भएका छाै । हाम्रो पार्टीका क्रियाशील सदस्यले पनि घण्टीमा भाेट हालेको भएर हार बेहोर्न परेको हाे । तपाईंहरू पार्टी बलियाे बनाउने तर्फ लाग्नु । ०८४ सम्म घण्टी रहन्छ रहन्न थाहा छैन् । रह्याे भने हामीलाई पनि थाहा छ चुनाव कसरी जित्नु पर्छ´ उनले भने ।
क्षेत्रीय सभापति चुडामणि खनालको सभापतित्वमा सम्पन्न कार्यक्रममा गण्डकी प्रदेशका अर्थमन्त्री जीतप्रकाश आले, केन्द्रीय सदस्य ध्रुव वाग्ले, व्यास नगरका मेयर बैकुण्ठ न्याैपाने, शुक्लागण्डकीका मेयर कृष्णराज पण्डित लगायतको उपस्थिति रहेको थियाे । कार्यक्रमकाे सञ्चालन क्षेत्रीय सचिव सन्ताेष घिमिरेले गरेका थिए ।
