तनहुँ । तनहुँको आँबुखैरेनी गाउँपालिका–४ बेनिटारमा लागू औषध सहित एक युवक प्रकाउ परेका छन् । पक्राउ पर्नेमा मोरङ जिल्लाको कानेपोखरी गाउँपालिका–४ बयरबन बस्ने २४ बर्षीय सम्राट चौधरी थारुरहेको जिल्ला प्रहरी कार्यालय तनहुँले जनाएको छ ।
अस्थायी प्रहरी पोष्ट मुग्लिङ पुलजिप तनहुँबाट खटिएको प्रहरी टोलीले मुग्लिङबाट आँबुखैरेनी तर्फ आउदै गरेको ग १ ख ८६१८ नम्बरको यात्रु वाहक बस रोकी चेकजाँच गर्ने क्रममा युवक लागू औषध सहित पक्राउ परेका हुन् । निज सम्राटले सेतो बोरा भित्र १३ केजी ५०० ग्राम अवैध लागु औषध गाँजा लिएर हिडेका थिए ।
निज चौधरीलाई प्रहरीले नियन्त्रणमा लिई थप अनुसन्धान गरिरहेका जिल्ला प्रहरी कार्यालय तनहुँका प्रहरी नायव उपरिक्षक मोहन बहादुर खाडँले बताए ।
