दुलेगौंडा । शुक्लागण्डकी नगरपालिका–८ मा आ.व २०८०/८१ को लागि वडा स्तरीय योजना तर्जुमा भेला सम्पन्न भएको छ । शुक्लागण्डकी नगरपालिका–८ को लागि नगरपालिकाबाट बिनियोजित ८१ लाख ७० हजारको बजेट कार्यान्वयनको लागि विभिन्न स्थानबाट माग भै आएका वडा स्तरीय योजनाको आधारमा रही तर्जुमा भेला सम्पन्न भएको हो ।
कार्यक्रममा शुक्लागण्डकी नगरपालिकाको प्रतिनिधि जनस्वास्थ्य निरिक्षक अधिकृत ढाल बहादुर थापा, नेपाली काङ्ग्रेस शुक्लागण्डकी नगरपालिका वडा नं ८ का सभापती विपिन्द्र सेन ठकुरी, ने।क।पा एमाले वडा नं ८ का अध्यक्ष मोहन पौडेल, ने।क।पा माओबादी केन्द्र चिरञ्जीवी सिग्देल, राष्टिय स्वतन्त्र पार्टी का सभापती जयराम लम्साल, बुद्ध टोल बिकास सस्थाका अध्यक्ष क्या। दिपक क्षेत्री लगायतले बोल्नुभएको थियो । कार्यक्रममा वडा सदस्य अशोक महतले स्वागत मन्तव्य र कार्यक्रमको सन्चालन वडा सचिव सुनिता पोख्रेलले गर्नुभएको थियो ।
शुक्लागण्डकी नगरपालिका वडा नं ८ का इन्जिनियर राजन गुरुङले आ।व २०७९/८० को बजेटको कार्यान्यनको अवस्थाको बारेमा प्रकाश पार्नुभएको थियो । चालू आ.व २०७९र८० मा वडा स्तरीय, नगर स्तरीय, नगर साझेदारी, संघ, प्रदेश स्तरीय योजना गरि ९० प्रतिशत काम सम्पन्न भै सकेको छ ।
शुक्लागण्डकी–८ मा आ.व २०८०/८१ को योजना तर्जुमा सम्पन्न कार्यक्रममा आ।व २०७९र८० मा विभिन्न शिर्षकमा उत्कृष्ट काम गर्ने उपभोक्ता समितीलाई सम्मान गरिएको छ । जस अन्तर्गत उत्कृष्ट कार्यसम्पादन गर्ने लालिम कृयापुत्री भवन निर्माण समितीका अध्यक्ष रमेश महत, पहिलो योजना सम्पन्न गरि भुक्तानी लिने पुन मगर समाज, सबै भन्दा ठुलो योजना सम्पन्न गर्ने घोर्मे नवीन टोल बिकास सस्था, बढी जनसहभागीता बाट काम सम्पन्न गर्ने मदानेपागो सातविसे मलाय बाधकुलो निर्माण समिती र ढोरवाराही नेवा पुच सेवा कोश र आफ्नै सकृयतामा स्पिड ब्रेकर हटाउने मुस्ताङ नयाँ बस्ती टोल बिकास सस्था लगायतलाई सम्मान गरिएको छ ।
वडा अध्यक्ष नारायण सिह थापाले तर्जुमा भेलामा सहभागीहरुबाट आएका जिज्ञासाको बारेमा सम्बोधन गर्नुभएको थियो, जस अन्तर्गत हाल सम्म संचालित र सन्चालन हुन नसकेका योजनाहरुको कार्यान्वयनको पक्ष लगायत र यसका सवल र दुर्लभ पक्षहरुको बारेमा प्रकाश पार्नुभएको थियो । अध्यक्ष थापाको अनुसार आ।व २०८०/८१ को बजेट निर्माणको लागि बिषय बिज्ञ, टोल बिकास सस्था र सर्वदलिय बैठक राखी सबैको सल्लाह सुझाव बमोजिम बजेट तय गर्ने जानकारी गराउनुभयो ।
शुक्लागण्डकी नगरपालिका–८ का अध्यक्ष नारायण सिह थापाको अध्यक्षतामा सम्पन्न कार्यक्रममा कार्यक्रममा शुक्लागण्डकी नगरपालिकाका जनस्वास्थ्य निरीक्षक ढाल बहादुर थापाले कार्यक्रमको औचित्य औलाउदै बजेट सिमा, बजेट कार्यान्वयनको आधार, योजना तथा कार्यक्रम निर्धारणको आधार लगायतका बिषयमा प्रकाश पार्नुभएको थियो ।
