दुलेगौंडा । शुक्लागण्डकी नगरपालिका-२ मा रहेको श्रमिक आधारभूत विद्यालयले रजत जयन्ती मनाएको छ । साेमबार एक कार्यक्रमका बिच विद्यालयले रजत जयन्ती एवम् अभिभावक दिवस समारोह सम्पन्न गरेको हाे ।
कार्यक्रममा बाेल्दै शुक्लागण्डकी नगरपालिकाका नगर प्रमुख कृष्णराज पण्डितले विद्यालयकाे भाैतिक र शैक्षिक पक्षको सुदृढ गराउन नगरपालिका सधै साथ रहने बताए ।
विद्यालयले रहेक बर्ष श्रमिक दिवसको अवसरमा बार्षिकाेत्सव तथा अभिभावक दिवस समारोह गर्दै आइरहेको छ ।
विद्यालय व्यवस्थापन समितिका अध्यक्षकाे सभापतित्वमा सम्पन्न कार्यक्रममा शुक्लागण्डकी नगरपालिका-२ का वडाध्यक्ष सुमनबहादुर राना मगर, नागरिक समाजका अध्यक्ष खेमराज खनाल लगायतको उपस्थिति रहेको थियाे ।
