दुलेगौँडा । तनहुँको रिसिङ गाउँपालिका–७, बाजगरामा भिरबाट खसेर एक जनाको मृत्यु भएको छ । शनिबार राती १०ः३० बजेको समयमा स्थानीय ५३ बर्षका कृष्णकुमार थापाको मृत्य भएको जिल्ला प्रहरी कार्यालय तनहुँका प्रहरी नायव उपरीक्षक मोहनबहादुर खाँडले जानकारी दए ।
उनका अनुसार मृतक थापा दमौली बजारबाट आँखा सम्बन्धि उपचार गराई बेलुकी दमौलीबाट घर फकर्दै गर्दा घर नजिकै रहेको चण्डि भयर सामुदायिक बनको गोरेटो बाटोबाट १०० मिटर तल भिरमा खसेका थिए । उनी भिरमा रहेको झङ्कलेको रुखमा अड्किएको अवस्थामा फेला पारेको हो ।
