दुलेगौंडा । समयमै भर्ना समयमै ज्ञान, गुणस्तरीय शिक्षा सवैको अभियान भन्ने आदर्श वाक्य सहित विद्यार्थी भर्ना अभियान चलिरहेको वेला जनकल्याण माध्यमिक विद्यालयले टोल टोलमा सामुदायिक शिक्षा कार्यक्रम सञ्चालन गरेको छ । सोहि अवसरमा सनिबार विद्यालयले शुक्लागण्डकी नगरपालिका वडा नं. ५ को शितल नगर टोलमा टोल विकास संस्थाका पदाधिकारी सहितको अभिभावक भेला गरी सामुदायिक शिक्षा कार्यक्रम सञ्चालन गरेको हो ।
संविधानले प्रद्धत गरेको गुणस्तरीय शिक्षाको अधिकारलाई सुनिस्चित गराउनु राज्यको जिम्मेवारी हो । कुनै पनि अवस्थाको जस्तो सुकै वालवालिकाहरुले पनि गुणस्तरीय शिक्षा प्राप्त गर्न पाउनु बालबालिकाको नैसर्गिक अधिकार भएको भन्दै निःशुल्क भर्ना अभियान चलिरहेको वेला विद्यालयले टोलटोलमा गएर गुणस्तरीय शिक्षा प्राप्तिका निमित्त अभिभावक सचेतनाको लागि सामुदायिक शिक्षा कार्यक्रम सञ्चालन गरेको विद्यालयका प्रधानाध्यापक दिपक ढकालले बताउनु भयो । उक्त कार्यक्रममा बोल्दै शुक्लागण्डकी नगरपालिका वडा नं. ५ का वडा अध्यक्ष दिर्घ बहादुर थापाले शिक्षाको पारिलो घामबाट कुनै पनि वालबालिका नछुटुन भन्ने उद्धेश्यले यो कार्यक्रम सञ्चालन गरेको बताए । शुक्लागण्डकी नगरपालिका कार्यपालिका सदस्य सितादेवि तिम्सिनाले नगरले सवै वालबालिकाको गुणस्तरीय शिक्षाको जिम्मा लिनु पर्ने बताउँदै आर्थिक अवस्था कमजोर भई अध्ययन कार्य निरन्तर गर्न नसकेका वालबालिकाहरु पहिचान गरि उचित छात्रबृत्ति सहितको शिक्षामा नगरले जोड दिने बताउनु भयो । वडा नं. ५ का वडा सदस्य धनेश्वर श्रेष्ठले जनकल्याण माध्यमिक विद्यालयले पछिल्लो समयमा निकै प्रगति गरेको बताउँदै गुणस्तरीय शिक्षाको लागि अभिभावकको साथ निरन्तर चाहिने बताउनु भयो । अभिभावकहरुले विद्यार्थीको मनोविज्ञान बुझेर वाल मैत्रि वातावरणमा शिक्षण कार्य गर्नपर्नेमा जोड दिएका थिए । विद्यालयका शिक्षक अभिभावक संघका अध्यक्ष सोम बहादुर परियार, सदस्य प्रकाश पौडेल, विद्यालय व्यवस्थापन समितिका सदस्य सृजना उपाध्याय, विद्यालयका अभिभावक, विद्यार्थी, टोल विकास संस्थाका पदाधिकारी ज्युहरु लगायको उपस्थितिमा सम्पन्न उक्त कार्यक्रमको अध्यक्षता शितल टोल विकास संस्थाका अध्यक्ष एवं जनकल्याण माध्यमिक विद्यालयका विद्यालय व्यवस्थापन समितिका अध्यक्ष सञ्जय थापा सार्कीले गर्नुभएको थियो भने कार्यक्रमलाई विद्यालयका सहायक प्रधानाध्यापक दामोदर रेग्मीले सञ्चालन गर्नुभएको थियो ।
