दुलेगौंडा । शैक्षिक गुणस्तर मापन केन्द्रद्धारा गरिएको परिक्षणमा नेपालको चौधौ र तनहुँको सवोत्कृष्ठ विद्यालय बन्न सफल जनकल्याण माध्यमिक विद्यालयलाई गुणस्तरीय शिक्षा विकासको आधार विद्यालयको रुपमा अगाडी बढाउन विद्यालयमा सञ्चालन हुने विभिन्न गतिविधिलाई कार्यविधि बनाई सञ्चालन गर्ने विद्यालयको योजना अनुसार विभिन्न सत्र वटा विषयका कार्यविधिमाथि छलफल तथा अन्तक्रिया कार्यक्रम यहि चैत्र २२ गते सम्पन्न भएको छ । शुक्लागण्डकी नगरपालिकाका नगर प्रमुख कृष्णराज पंडित प्रमुख अतिथि रहेको छलफल कार्यक्रममा नगर प्रमुख पंडितले जनकल्याण माध्यमिक विद्यालयले गरेका हरेक गतिविधिहरु गुणस्तरीय शिक्षाको लागि अग्रस रहेको र आगामि दिनमा गुणस्तरीय शिक्षाको लागि नगरपालिकाको पूर्ण साथ र सहयोग रहने प्रतिवद्धता व्यक्त गर्नुभयो साथै गुणस्तरीय शिक्षाको हवको रुपमा शुक्लागण्डकी नगरपालिकालाई अगाडी बढाउने नगरपालिकाको चाहनामा जनकल्याण माध्यमिक विद्यालयले अगाडी सारेका गतिविधिहरु कोशेढुङ्खा सावित हुने विश्वास समेत व्यक्त गनुभयो ।
कार्यक्रममा शुक्लागण्डकी नगरपालिकाका प्रमुख प्रशासकीय अधिकृत लिलाबल्लभ न्यौपानेले कार्यविधिहरुको प्रभावकारी कार्यान्वयनमा जोड दिनुभयो भने शुक्लागण्डकी नगरपालिका वडा नं. ५ का वडा अध्यक्ष दिर्घ बहादुर थापाले कार्यविधि माथि थप सुझावहरु राख्नुभएको थियो । विद्यालय व्यवस्थापन समितिका अध्यक्ष सञ्जय थापा सार्कीको अध्यक्षतामा भएको कार्यक्रममा वडा नं. ५ का वडा सदस्य ज्योति वि.क. , विद्यालय व्यवस्थापन समितिका सदस्यहरु, शिक्षक अभिभावक संघका अध्यक्ष तथा सदस्यहरु, विद्यालयका प्रधानाध्यापक लगायत सम्पूर्ण शिक्षकहरु, स्थानिय वुद्धिजिवी तथा समाज सेवीहरु, अभिभावक तथा विद्यार्थीहरुको उपस्थितिमा सञ्चालित कार्यक्रमको सञ्चालन विद्यालयका सहायक प्रधानाध्यापक दामोदर रेग्मीले गर्नुभएको थियो ।
