दुलेगौंडा । पञ्चमुनीदेव माध्यमिक विद्यालयले समिर अहमदलाई सम्मान गरेको छ । चिकित्सा शिक्षा आयोगले लिएको ‘एम.वि.वि.एस प्रवेश परिक्षा’मा पूर्ण छात्रवृत्ति प्राप्त गरेको अवसरमा अहमदलाई विद्यालयले सम्मान गरेको हो ।
विद्यालयले सन्देश लामिछाने, अञ्जना रिमाल, गणेश भण्डारी, सुदिप शर्मा, सपना काफ्ले, सुनिना लामा, रस्मि परियार, प्रमिला पौडेल, सलिना पुरी, अकृर्ति भुजेल र सर्मिला विकलाई पनि बधाई ज्ञापन गरेको छ । यि विद्यार्थीहरुले पञ्चमुनीदेव माविबाट कक्षा १२ पास गरेर उच्च शिक्षाका लागि देशका उत्कृष्ट क्याम्पसहरुमा पूर्ण छात्रवृत्ति प्राप्त गरेका हुन् ।
विद्यालयका विद्यार्थीले प्राप्त गरेको उपलब्धीले विद्यालयको शिर उच्च बनाएको सहायक प्रधानाध्यापक एकनारायण भण्डारीले बताए । विद्यार्थीको प्रगती भनेको विद्यालयको पनि प्रगति रहेको बताउदौ आगामी दिनमा थप प्रगतिका लागि शुभकामना दिए ।
विद्यालय व्यवस्थापन समितिका अध्यक्ष सन्तोष श्रेष्ठको सभापतित्वमा सम्पन्न कार्यक्रममा विद्यालयका विव्यस सदस्य श्याम सुन्दर मल्ल, सहायक प्रअ विमल जोजिजु, ११/१२ संयोजक लक्ष्मण पुरी लगायतको उपस्थिती रहेको थियो ।
