देवघाट। अपांगता भएका व्यक्तिहरुका लागि आर्थिक सशक्तिकरण आजको आवश्यकता भएको एक कार्यक्रममा बताइएको छ । देवघाटमा मंगलबार अपांगता भएका व्यक्तिहरुको अधिकार र विकासका लागि श्रोत केन्द्र, रिसेड तनहुँले आयोजना गरेको अपांगता गाउँ सरोकार समितिका पदाधिकारीहरुका लािग नेतृत्व विकास कार्यशालामा उक्त कुरामा जोड दिइएको हो ।
“ हामि अपांगता अधिकारको सवाल लिएर करिव २ दशक अगाडि देखि अभियानमा लाग्यौँ तर अधिकार मात्र भनेर हुँदो रहेनछ । अधिकार र आर्थिक सशक्तिकरण एक अर्काको पुरक भएको हुँदा अवको समाजमा परिवर्तन चाहने हो भने अपांगता भएका व्यक्तिहरुको आर्थिक सशक्तिकरणको सवाललाई जोड दिनु आवश्यक छ ” रिसेडका महासचिव दामोदर रेग्मीले बताए । महासचिव रेग्मीले अपांगताको परिचय, प्रकार, अवस्था र अधिकारका सावलमा सहजिकरण गर्नुभयको थियो । भौगोलिक विकटता र परम्परागत सोँच नै अपांगता भएका व्यक्तिहरुको हालको चुनौती भएको भन्दै देवघाट गाउँपालिकाका अध्यक्ष तिल बहादुर थापाले अपांगता भएका व्यक्तिहरुको समुचित विकासको लागि आफु निरन्तर लागि रहने बताउनु भयो । अपांगता समन्वय समितिका संयोजक तथा देवघाट गाउँपालिकाका उपाध्यक्ष भुवन सिंह गुरुङले देवघाटको विकासको एक महत्वपूर्ण आयाम भनेको अपांगता भएका व्यक्तिहरुको आर्थिक सशक्तिकरण भएको बताउँदै वडा स्तरबाट विभिन्न आय मुलक तालिममा अपांगता भएका व्यःिक्तहरुलाई पनि सहभागि गराउनु पर्ने बताउनु भयो ।
देवघाट गाउँ पलिकाका प्रवक्त एवं वडा नं. ५ का वडा अध्यक्ष पूर्ण बहादुर कुँवरले समाजमा अपांगता भएका व्यक्तिहरु बहुविभेदको सिकारमा परेको बताउँदै उनिहरुको अधिकारका लागि गाउँपालिका सदैव तत्पर रहेको बताउनु भयो । महिला, बालबालिका तथा जेष्ठ नागरिक शाखा प्रमुख शुभद्रा भट्टराईले समुह परिचालन र व्यवस्थापन सम्बन्धि सिपको बारेमा प्रष्ट पार्नुभएको थियो । देवघाट कृषि शाखाका प्रमुख बल बहादुर सिकर्मीले कृषि उव्जनीको सिप, तरिका गोडमेल तथा कृषिमा पोषण तत्वको महत्वको बारेमा सहजिकरण गर्नुभएको थियो । देवघाट अपांगता गाउँ सरोकार समतिका पदाधिकारी सहित करिव ३४ जनाको सहभागिता रहेको उक्त कार्यक्रममा विभिन्न शाखाका शाखा प्रमुख एवं कर्मचारी , स्वयम सेवकहरुको उपस्थिति रहेको थियो । सामाजिक विकास कार्यालय, तनहुँको आर्थिक सहयोगमा सञ्चालित उक्त कार्यक्रम देवघाट गाउँपालिकाले समन्वय गरेको थियो ।
