दुलेगौंडा । सुर्य नेपाल प्रालिले कुश्मावती आधारभूत विद्यालयलाई बस हस्तान्तरण गरेको छ । कम्पनीले सामाजिक उत्तरदायित्व शिर्षककाे बजेटबाट सरस्वती पुजाकाे दिनमा विद्यालयलाई बस हस्तान्तरण गरेको कम्पनी व्यवस्थापक बाबुराम कार्कीले बताए ।
विद्यालयले जेठ २४ गतेकाे पत्र अनुसार आएको मागलाई सम्बाेधन गरेको व्यवस्थापक कार्कीले बताए । उनका अनुसार उक्त बसमा ३६ जना सवार गर्न सक्ने छन् । बसकाे सञ्चालन र व्यवस्थापनकाे जिम्मा विद्यालयले स्वयमले नै गर्नुपर्ने छ ।
विद्यालयकाे पनि सेवा रहेको हुदाँ विद्यार्थी संख्या बढ्न सक्ने विद्यालयका प्रधानाध्यापक सीता गिरिले बताईन् । उनका अनुसार विद्यालयमा शुक्लागण्डकी नगरपालिका ६/ ७ र म्याग्दे गाउँपालिका-५ बाट विद्यार्थीहरू आउने गर्दछन् ।
