दुलेगौंडा । शुक्लागण्डकी नगरपालिका स्तरीय चाैथाे राष्ट्रपती रनिङ शिल्ड प्रतियोगिता तालवेसी माध्यमिक विद्यालयमा हुने भएको छ ।
स्थानीय राष्ट्रपति रनिङ शिल्ड प्रतियोगिता व्यवस्थापन तथा निर्देशन समितिकाे बैठकले यही माघ २०,२१ र २२ गते गरि तीन दिनसम्म रनिङ शिल्ड प्रतियोगिता सञ्चालन गर्ने निर्णय गरेको थियाे । उक्त बैठकले तालवेसी मा वि लाई प्रतियोगिता हुने स्थल ताेकेकाे छ ।
विद्यालयका प्रधानाध्यापक ध्रुव वाग्लेले प्रतियोगिता लागि आवश्यक तयारी पूरा भएको बताएका छन् । उनका अनुसार १६ सामुदायिक र १२ सस्थागत गरि २८ विद्यालय प्रतियोगिता सहभागी हुनेछन् ।
प्रतियोगितामा भलिबल, कबड्डी र एथलेटिक्स तर्फ हाईजम्प, लङ्गजम्प, त्रिपलजम्प, ज्याभलिन थ्राे, सटफुट र दाैड प्रतियोगिता हुने भएको छ ।
