दुलेगौंडा । समाजिक कार्यमा सक्रिय रहदै आएको शुक्लागण्डकी जेसीसले २१ औं पदहस्तान्तरण कार्यक्रम सम्पन्न गरेको छ । मंगलबार २०२२ का अध्यक्ष शिवबहादुर वि.कले २०२३ का अध्यक्ष इश्वरकुमार श्रेष्ठलाई पदहस्तान्तरण गरेका हुन् ।
कार्यक्रममा बाेल्दै जेसीआई सिनेटर एवम् जेसीस २०२३ का राष्ट्रिय अध्यक्ष विकास मानन्धरले युवालाई लागू पदार्थ दुव्यसनीबाट छुटाउने कार्यक्रमलाई विशेष जाेड दिन आग्रह गरे । समाजको सकारात्मक परिवर्तनमा जेसीसले महत्त्वपूर्ण भुमिका खेल्नुपर्ने उनको भनाइ छ ।
कार्यक्रममा जेसीआई सिनेटर एवम् २०२३ का राष्ट्रिय अध्यक्ष विकास मानन्धर, नगरपालिकाका उपप्रमुख खुमबहादुर विक (राजु), शुक्लागण्डकी-४ का वडाध्यक्ष राजकुमार वाग्ले, लेखनाथ जेसीसका अध्यक्ष चन्द्रप्रकाश ढुङ्गाना, जेसी रजनी थापा, सुरेन्द्र त्रिपाठी, समुद्रराम श्रेष्ठ, लायन्सका नारायण पाेख्रेल लगायतकाे उपस्थिति रहेको थियाे ।
