दुलेगौंडा । सकारात्मक रूपान्तरणकाे लागि साझा प्रयास भन्ने मुल नाराका साथ स्थापित शुक्लागण्डकी सराेकार मञ्चको प्रथम साधारण सभा सम्पन्न भएको छ । शुक्रबार मञ्चले संस्था र कार्यसमितिलाइ बैधानिकता प्रदान गर्न साधारण सभा गरेको हाे ।
कार्यक्रममा बाेल्दै मञ्चका अध्यक्ष सुरेश पाैडेलले समाजको विकासमा नेतृत्वदायी भुमिका निर्वाह गर्न मञ्च अग्रसर हुने बताए । एकल प्रयासले मात्रै काम सम्पन्न गर्न असहज हुने भन्दै जनताको समस्यालाई साझा मुद्दा बनाएर सम्बन्धित निकायसम्म पुर्याउने बताए ।
साधारण सभामा बोल्दै शुक्लागण्डकी नगरपालिका वडा नं. ३ का सदस्य उमादेबी सुवेदीले सामाजिक सचेतनाका कार्यक्रम ल्याउन सरोकार मञ्चलाई आग्रह गरिन् ।
मञ्चका अध्यक्ष पाैडेलकाे सभापतित्वमा सम्पन्न कार्यक्रममा सल्लाहकार एकनारायण भण्डारी, टुकादेवी पौडेल, शिव शंकर बानियाँ,मञ्चका उपाध्यक्ष खेमराज काफ्ले लगायतले बाेलेका थिए भने मञ्चका सचिव रितु भुवाईले कार्यक्रम सञ्चालन गरेका थिए ।
