तनहुँ । राष्ट्रिय सहकारी बैँकको संचालक समिति सदस्यको खुला पदमा तनहुँका हरिबहादुर खड्काले उम्मेदवारी दिएका छन् । सहकारीको छाता संगठन सहकारी बैँकको यहि पौष १६ गते निर्वाचन हुदैछ । खड्का गण्डकी प्रदेशबाट एक्ला उम्मेदवार हुन् । खड्का एक–दशकदेखि शुभकामना बहुउद्धेश्यीय सहकारी संस्था दुलेगौँडाको संचालकको रुपमा आवद्धमा छन् । हाल उपाध्यक्ष रहेका खड्का विभिन्न संघ–संस्थामा क्रियाशिल रहेका छन् । उनी ढोरबाराही एफ.एम प्रा.लिको संचालक समितिका सचिव समेत हुन् । स्वास्थ्य तथा शिक्षा क्षेत्रतर्फ खड्का एसोसियट अफ प्राइभेट हेल्थ इन्स्टिच्युड अफ नेपालको केन्द्रीय उपाध्यक्ष, तनहुँ सेवा हस्पिटलका अध्यक्ष, पश्चिमाञ्चाल प्राविधिक शिक्षालयका अध्यक्ष र बाल विद्या मन्दिर माध्यमिक विद्यालयको संचालक हुन् ।
खड्का अधिकृत विक्रेता संघ तनहुँको अध्यक्ष, तनहुँ उद्योग वाणिज्य संघ, पुर्व–एसोसियट सदस्य, शुक्लागण्डकी नगर उद्योग वाणिज्य संघको पुर्व उपाध्यक्ष, लायन्स क्लब अफ दुलेगौँडा खैरेनी सिटीका पुर्व अध्यक्ष र रोटरी क्लब अफ लेखनाथको चार्टर सेक्रेटरी समेत हुन् । खड्काले आफु आवद्ध संस्थाहरुको पद अनुसार सफल नेतृत्व र भुमिका निर्वाह गर्दै आएका छन् । व्यवसायिक क्षेत्रमा सफल खड्काले युनिक डिपार्टमेण्टल स्टोर प्रा.लि, युनिक मल्टी एग्रो प्रा.लि, युनिक ट्रेडर्स, युनिक इन्टरप्राइजेज, युनिक ट्रडिङ कन्र्सन र युनिक सप्लायर्सको संचालक हुन् ।
खड्काको उम्मेदवारी किन?
खुला सदस्यका उम्मेदवार खड्काले सहकारीलाई उत्पादनकसंग जोड्न उम्मेदवारी दिएको बताएका छन् । सहकारी बैँकको बिस्तार तथा व्यवस्थापनमा सहयोग पु¥याउन, आर्थिक सुशासन तथा पारदर्शिता कायम गर्न, सहकारी अभियानलाई सुदृढ बनाउन, सहकारी तथा सहकारी कर्मचारी स्थायित्वका लागि र राज्यको तीन खम्बे अर्थनीति अन्तर्गत सहकारीलाई बलियो खम्बाको रुपमा स्थापित गर्न उम्मेदवारी दिएको भन्दै खड्काले आफुलाई मत दिन अपिल गरेका छन् ।
