दुलेगौंडा । नेपाल पत्रकार महासंघका केन्द्रीय सदस्य प्रदिप काफ्लेले पत्रकार र पत्रकारिता कमजोर हुदाँ समाज पनि कमजोर हुने बताएका छन् । नेपाल पत्रकार महासंघ तनहुँले १३ औं साधारण सभालाई सम्बाेधन गर्दै पत्रकार समाजको दरिलो खम्बा रहेको हुदाँ पत्रकारहरू सशक्त ढंगले अगाडि बढ्नुपर्ने बताए ।
काफ्लेले देश परिवर्तनको आन्दोलनमा पत्रकारको महत्त्वपूर्ण भुमिका रहेकाे बताए । तर, परिवर्तन पछि पत्रकार सधै ओझेलमा पर्ने गरेको बताए । चर्चाको लागि नभई समाज परिवर्तनको लागि पत्रकारिता गर्न आग्रह समेत गरे ।
महासंघका अध्यक्ष उज्ज्वल पाैडेलकाे सभापतित्वमा सम्पन्न कार्यक्रम नेपाल पत्रकार महासंघ गण्डकी प्रदेशकम उपाध्यक्ष साेनी शर्मा, पूर्व अध्यक्ष ओमकार आचार्य, डम्बरबहादुर अधिकारी, प्रकाश चन्द्र भट्टराई, प्रेश युनियनका अध्यक्ष अमर राज नहर्की, प्रेस चाैतारीका अध्यक्ष विवि श्रेष्ठ, प्रेस सेन्टरका अध्यक्ष सानेबहादुर नेपाली लगायतले मन्तव्य दिएका थिए ।
